Mësuesja nga Shkupi ndërron jetë gjatë procesit mësimor

Një grua 57-vjeçare ka humbur jetën në vendin e saj të punës në një shkollë fillore në fshatin Çreshevë të Shkupit.

Sipas informacioneve të policisë, ngjarja është raportuar më 9 qershor 2026, rreth orës 11:35, kur V. Gj. (57), e punësuar në shkollë, ka pësuar përkeqësim të menjëhershëm të gjendjes shëndetësore.

Në vendngjarje ka mbërritur ekipi i Ndihmës së Shpejtë Mjekësore, ku mjeku kujdestar ka konstatuar vdekjen e saj. Sipas të dhënave paraprake, në trupin e të ndjerës nuk janë vërejtur shenja të dukshme dhune.

Me urdhër të prokurorit publik, trupi i pajetë është dërguar për obduksion, i cili do të përcaktojë shkaqet e sakta të vdekjes.

Autoritetet kompetente po vijojnë procedurat për zbardhjen e plotë të rastit.