Një ngjarje e rëndë është shënuar mbrëmjen e së dielës në Pejë, ku një person është gjetur pa shenja jete në bodrumin e një banese në rrugën “UÇK”.
Sipas informacioneve paraprake, Policia e Kosovës u njoftua për praninë e një personi të shtrirë në bodrumin e një shtëpie. Menjëherë në vendngjarje mbërritën patrullat policore dhe ekipi i emergjencës.
Viktima u transportua drejt Spitalit Rajonal të Pejës, ku mjekët konstatuan se kishte ndërruar jetë.
Zëdhënësi i Policisë për Rajonin e Pejës bëri të ditur se për rastin është njoftuar Prokurori i Shtetit, i cili ka urdhëruar dërgimin e trupit në Institutin e Mjekësisë Ligjore për kryerjen e obduksionit.
Autoritetet kanë nisur hetimet për zbardhjen e plotë të rrethanave të ngjarjes, ndërsa rasti është regjistruar si “Hetim i vdekjes”.
Identiteti i viktimës dhe shkaku i vdekjes nuk janë bërë ende publikë. Më shumë detaje pritet të dalin pas përfundimit të ekspertizës mjeko-ligjore dhe veprimeve hetimore.
Be First to Comment