Pamje të siguruara nga një kamerë sigurie kanë dokumentuar momentet e rënda të ngjarjes ku 55-vjeçarja Bardhe Ziçi humbi jetën në Shkodër, pasi dyshohet se u qëllua me armë zjarri nga bashkëshorti i saj, i cili është arrestuar nga policia.
Sipas informacioneve, fillimisht mes çiftit ka pasur një debat, që dyshohet të ketë nisur për motive xhelozie. Pas përplasjes, i dyshuari është futur në banesë, ku ka marrë armën e gjahut, dhe më pas është drejtuar drejt një dyqani pranë shtëpisë, ku ndodhej bashkëshortja.
Në pamjet filmike dëgjohet një e shtënë, ndërsa 55-vjeçarja përpiqet të largohet. Pak çaste më vonë ajo qëllohet sërish dhe bie në tokë, duke humbur jetën në vendngjarje.
Policia mbërriti menjëherë në zonë dhe arrestoi autorin e dyshuar, ndërsa grupi hetimor po punon për të sqaruar plotësisht rrethanat e ngjarjes dhe motivin që çoi në këtë krim të rëndë.
Nga martesa e tyre, çifti kishte dy fëmijë, një djalë që jeton në Kanada dhe një vajzë që shërben si oficere në Forcat e Armatosura. Ngjarja ka tronditur familjarët dhe komunitetin, ndërsa hetimet vijojnë.
Be First to Comment