Sa vota arriti të sigurojë Doarsa Kica-Xhelili?

Deputetja e LDK-së, Doarsa Kica-Xhelili, ka arritur të sigurojë 18,343 vota sipas rezultateve paraprake të numërimit.

Ky rezultat e pozicionon atë në vendin e tretë ndër kandidatët më të votuar të Lidhjes Demokratike të Kosovës, pas Vjosa Osmani Sadriut, e cila ka marrë 25,801 vota, dhe kryetarit të partisë, Lumir Abdixhiku, me 23,372 vota.

Kica-Xhelili vazhdon të gëzojë mbështetje të konsiderueshme brenda elektoratit të LDK-së, duke u renditur mes figurave kryesore të kësaj force politike. Megjithatë, rezultatet zyrtare do të konfirmohen vetëm pas përfundimit të plotë të procesit të numërimit.

Në mesin e pesë kandidatëve më të votuar të LDK-së janë edhe Hykmete Bajrami me 14,474 vota dhe Avdullah Hoti me 13,207 vota.