Kur mendoni për pajisjet që harxhojnë më shumë energji në shtëpi, ndoshta ruteri i internetit nuk ju shkon fare në mendje. Megjithatë, duke qenë se qëndron i ndezur 24 orë në ditë, ai mund të konsumojë një sasi të konsiderueshme të energjisë elektrike gjatë vitit.
Për këtë arsye, ekspertët këshillojnë që para blerjes së një ruteri të kontrolloni efikasitetin e tij energjetik dhe të zgjidhni modele që konsumojnë më pak energji, si gjatë përdorimit ashtu edhe në gjendje gatishmërie.
Sipas Agjencisë Federale Gjermane për Mbrojtjen e Mjedisit, është veçanërisht e rëndësishme të keni kujdes në rastet kur ruteri lidhet edhe me linjën telefonike dhe nuk mund të fiket plotësisht.
Në këto raste, rekomandohet të përdorni një ruter që ofron mundësinë e çaktivizimit të internetit pa tel (Wi-Fi) kur nuk është në përdorim, për të kursyer energji dhe për të ulur shpenzimet mujore.
Be First to Comment