Një shpërthim bombe në një kafene të mbushur me njerëz në qendër të Damaskut ka lënë të vdekur të paktën gjashtë persona dhe ka plagosur 22 të tjerë, sipas mediave shtetërore siriane.
Ministria e Brendshme e Sirisë bëri të ditur se një pajisje shpërthyese ishte vendosur brenda lokalit, i cili ndodhet rreth 100 metra larg Pallatit të Drejtësisë, një ndërtesë e rëndësishme qeveritare në distriktin Hejaz të kryeqytetit, raporton BBC.
Deri tani asnjë grup nuk ka marrë përgjegjësinë për sulmin, i cili konsiderohet si shpërthimi më vdekjeprurës në Damask që nga sulmi vetëvrasës në një kishë në qershor të vitit të kaluar, ku humbën jetën 25 persona.
Mohammed al-Dahabi, pronar i një dyqani syzesh pranë kafenesë së goditur, tha se ngjarja i ngjante periudhës së luftës civile në Siri.
Gjatë një vizite në vendngjarje, guvernatori i Damaskut, Maher Marwan Idlibi, deklaroi se autorët e sulmit do të përballen me drejtësinë.
Be First to Comment