Tensione në Kuvend, ndërpritet seanca pas përplasjes me Berishën
Momente tensioni janë regjistruar gjatë seancës plenare në Kuvend, pasi kryetarit të Partisë Demokratike, Sali Berisha, iu ndërpre fjala nga drejtuesi i seancës.
Pas këtij vendimi, deputetët e opozitës reaguan menjëherë duke u grumbulluar rreth foltores, çka bllokoi përkohësisht zhvillimin normal të punimeve parlamentare. Për shkak të situatës së krijuar, seanca u ndërpre për rreth pesë minuta.
Nga ana e drejtimit të Kuvendit nuk pati sqarime të menjëhershme lidhur me arsyet e ndërprerjes së fjalës së Berishës, ndërsa përfaqësuesit e opozitës e cilësuan këtë veprim si të pajustifikuar dhe në kundërshtim me rregulloren.
Pas pushimit të shkurtër, seanca rifilloi, por debatet dhe tensionet mes palëve vijuan edhe më tej në aspektin procedural.
Shënim: Disa nga imazhet janë marrë nga burime në internet dhe konsiderohen të jenë në domen publik. Nëse dikush pretendon të drejta autorësie, jemi të gatshëm të bëjmë citimin përkatës ose t’i heqim ato menjëherë me kërkesë.