Kryebashkiaku i Tiranës, Erion Veliaj, është transferuar në një spital privat, ku i është nënshtruar një ndërhyrjeje kirurgjikale.
Burime pranë institucioneve përkatëse bëjnë me dije se operacioni ka përfunduar me sukses dhe është realizuar nga një ekip mjekësor i specializuar. Megjithatë, nuk janë bërë publike detaje mbi natyrën e ndërhyrjes apo gjendjen e tij shëndetësore para saj.
Sipas të njëjtave burime, procedura ka qenë e planifikuar dhe e nevojshme. Pas përfundimit të operacionit dhe stabilizimit të gjendjes, Veliaj është rikthyer në ambientet e paraburgimit, ku po vijon qëndrimin sipas procedurave ligjore në fuqi.
Deri më tani, autoritetet nuk kanë dhënë një reagim zyrtar të detajuar lidhur me rastin, ndërsa pritet që në vijim të ketë më shumë informacion për publikun.