Një ngjarje e rëndë ka ndodhur sot në Vushtrri, ku një 31-vjeçar ka humbur jetën pasi ra nga kati i tretë i një objekti që ishte në ndërtim e sipër në rrugën “Bedri Pejani”, pranë Akademisë Policore.
Rastin e ka konfirmuar zëdhënësi i Policisë së Kosovës për rajonin e Mitrovicës, Ilmi Prekazi, i cili bëri të ditur se njësitet policore kanë dalë menjëherë në vendin e ngjarjes dhe kanë nisur hetimet për zbardhjen e rrethanave të rastit.
Sipas burimeve nga Spitali i Vushtrrisë, viktima ishte dërguar në spital pa shenja jete, ndërsa ekipi mjekësor kishte tentuar reanimimin, por fatkeqësisht 31-vjeçari nuk arriti të mbijetojë.