Rreth një në tre persona mbi moshën 30 vjeç zgjohen gjatë natës për të urinuar, ndërsa kjo shifër rritet ndjeshëm tek të moshuarit mbi 65 vjeç. Kjo gjendje njihet si Nocturia dhe karakterizohet nga nevoja për të përdorur tualetin një ose më shumë herë gjatë natës.
Zgjimet e shpeshta mund të ndikojnë drejtpërdrejt në cilësinë e gjumit dhe në mirëqenien e përgjithshme. Shkaqet janë të ndryshme, duke filluar nga konsumimi i tepërt i lëngjeve në orët e mbrëmjes, përdorimi i pijeve me kafeinë apo alkool, e deri te probleme shëndetësore si infeksionet urinare, Diabeti apo zmadhimi i prostatës tek meshkujt.
Për të reduktuar këtë shqetësim, këshillohet të kufizoni marrjen e lëngjeve disa orë para gjumit dhe të shmangni pijet stimuluese në mbrëmje. Po ashtu, është e rëndësishme të shkoni në tualet para se të flini dhe të mbani një rutinë të rregullt gjumi. Aktiviteti fizik gjatë ditës dhe një ushqyerje e balancuar mund të ndihmojnë gjithashtu në përmirësimin e situatës.
Megjithatë, nëse ky problem vazhdon apo përkeqësohet, është e rëndësishme të konsultoheni me një mjek. Në disa raste, kjo gjendje mund të jetë shenjë e një problemi më serioz shëndetësor që kërkon trajtim të specializuar. Kujdesi në kohë është thelbësor për të shmangur komplikacionet dhe për të rikthyer një gjumë të qe.të.