Moti pritet të pësojë një ndryshim të dukshëm gjatë ditëve në vijim. Deri të shtunën, kushtet atmosferike do të jenë përgjithësisht të qëndrueshme, ndërsa nga e diela priten reshje shiu dhe përkeqësim i motit.
Sipas Departamentit Meteorologjik, të dielën dhe të hënën do të ketë intervale me reshje, të shoqëruara në disa zona me shira të dendura, bubullima dhe erëra të forta.
Ndryshimi i motit do të vijojë edhe gjatë javës së ardhshme. Duke nisur nga e marta, depërtimi i masave të ajrit më të ftohtë nga veriu do të sjellë ulje të temperaturave gjatë ditës.
Kështu, pas temperaturave relativisht të buta, vendi pritet të përballet me një periudhë më të freskët dhe më të paqëndrueshme atmosferike.