Arbana Osmani thyen heshtjen për protestat dhe i drejtohet Edi Ramës: “Mjaft, respekto popullin tënd!”
Moderatorja e njohur Arbana Osmani ka reaguar publikisht për zhvillimet e fundit në Shqipëri dhe protestat që po zhvillohen në Tiranë, duke përcjellë një mesazh të drejtpërdrejtë për kryeministrin Edi Rama.
Përmes një postimi në rrjetet sociale, Osmani shpjegon se ka zgjedhur të mos reagojë menjëherë, por të kuptojë më mirë situatën përpara se të shprehte qëndrimin e saj. Sipas moderatores, ngjarjet e fundit nuk duhet të trajtohen si një spektakël apo si një mundësi për të fituar vëmendje në rrjetet sociale.
Si nënë e tre fëmijëve, ajo shprehet e shqetësuar për të rinjtë që, sipas saj, po përballen me dhunë dhe lëndime gjatë protestave. Osmani thekson se dhuna nuk është zgjidhje, pavarësisht nëse ajo vjen nga forcat e rendit apo nga protestuesit që dëmtojnë institucionet dhe bizneset.
Në reagimin e saj, moderatorja kritikon gjithashtu qëndrimet në rrjetet sociale që, sipas saj, justifikojnë aktet e dhunshme.
Në fund të mesazhit, Arbana Osmani i drejtohet drejtpërdrejt kreut të qeverisë, duke i kërkuar të dëgjojë qytetarët dhe të tregojë respekt ndaj tyre.
“Mjaft; respekto popullin tënd, dëgjoje”, shkruan ajo në reagimin e saj, duke shtuar se askush nuk e meriton situatën e krijuar.