TRAGJEDI NË RRUGËN E KOMBIT / 2 TË VDEKUR DHE 5 TË PLAGOSUR NGA AKSIDENTI I RËNDË
Një aksident i rëndë rrugor ka tronditur vendin, pasi dy automjete janë përplasur në segmentin Rrëshen–Milot, në Rrugën e Kombit.
Si pasojë e përplasjes fatale, dy persona kanë humbur jetën në vendngjarje, ndërsa pesë të tjerë kanë mbetur të plagosur dhe janë dërguar me urgjencë për trajtim mjekësor.
Sipas informacioneve paraprake, në aksident janë përfshirë dy automjete, ku drejtuesi N. P., 61 vjeç, është përplasur me mjetin që drejtohej nga D. P., 30 vjeç.
Viktimat janë identifikuar si N. P., drejtues i njërit prej automjeteve, dhe F. P., rreth 57 vjeç, i cili dyshohet të jetë babai i drejtuesit të mjetit tjetër.
Ndërkohë, drejtuesi tjetër dhe katër pasagjerë të plagosur janë transportuar në Spitalin e Traumës në Tiranë, ku po marrin ndihmën e nevojshme mjekësore.
Autoritetet kanë mbërritur në vendngjarje dhe kanë nisur hetimet për të zbardhur shkaqet e këtij aksidenti tragjik, ndërsa grupi hetimor vijon punën nën drejtimin e Prokurorisë.