Një 19-vjeçar është arrestuar pasi ka plagosur aksidentalisht me armë zjarri shokun e tij 17-vjeçar, në një banesë në rrugën “Berit Beker”, rreth orës 01:40 të mëngjesit.
Sipas hetimeve paraprake, i riu dyshohet se ka menduar se arma nuk kishte fishek dhe e ka shkrepur pa dashje, duke shkaktuar plagosjen e shokut të tij.
Pas njoftimit, policia ka mbërritur menjëherë në vendngjarje dhe ka nisur hetimet për të sqaruar rrethanat e plota të incidentit. Përveç 19-vjeçarit, janë arrestuar edhe dy persona të tjerë, të cilët dyshohet se kanë penguar zbardhjen e rastit.
Në vendngjarje është sekuestruar edhe arma e zjarrit, e cila dyshohet se mbahej pa leje. I plagosuri ndodhet në spital, nën kujdesin e mjekëve, ndërsa hetimet vijojnë për dokumentimin e plotë të përgjegjësive të të përfshirëve.
Be First to Comment