Ndryshime në drejtimin e Policisë së Vlorës janë bërë pas ngjarjeve të fundit në Zvërnec, ku protestat kundër një projekti turistik u shoqëruan me incidente që ngjallën reagime të shumta publike.
Sipas burimeve, Edvin Ndreu është komanduar në detyrën e Drejtorit të Drejtorisë Vendore të Policisë Vlorë. Ai vjen në këtë pozicion nga Drejtoria Vendore për Kufirin dhe Migracionin në Tiranë, ku ushtronte detyrën e drejtorit.
Ndreu zëvendëson Elidon Çelën, i cili është pezulluar nga detyra pas zhvillimeve të lidhura me protestën në Zvërnec.
Lëvizja vjen në kuadër të masave të ndërmarra pas incidentit të ndodhur gjatë protestës, ku një qytetar u shfaq në pamje filmike duke u tërhequr zvarrë, ngjarje që ka nxitur reagime dhe kërkesa për hetim të plotë të rastit.
Autoritetet vijojnë verifikimet dhe procedurat për zbardhjen e plotë të rrethanave të ngjarjes.
Be First to Comment