Steliano Filip i dha fund martesës për shkak të dallimeve fetare, sot ka nisur një kapitull të ri në jetën sentimentale
Ish-futbollisti i njohur rumun, Steliano Filip, ka përjetuar ndryshime të rëndësishme në jetën e tij private. Marrëdhënia me ish-bashkëshorten, Bjanka Marina, përfundoi pas mosmarrëveshjeve që lidhen edhe me çështjet e besimit fetar.
Filip, i cili gjatë karrierës së tij ka luajtur edhe për Hajduk Split dhe aktualisht është pjesë e Mezőkövesd, disa vite më parë u afrua me besimin pentekostal. Sipas deklarimeve të bëra pas ndarjes, ai dëshironte që edhe bashkëshortja e tij të ndiqte të njëjtën rrugë fetare.
Bjanka Marina, e cila i përkiste besimit ortodoks, nuk pranoi të ndryshonte fenë. “Nuk u gjetëm, sidomos në aspektin fetar. Unë jam ortodokse dhe nuk mund ta ndryshoja këtë”, ishte shprehur ajo pas ndarjes.
Pas divorcit, dy vite më vonë, Filip duket se ka nisur një kapitull të ri në jetën e tij personale. Futbollisti rumun është martuar me partneren e tij të re, Fivijana Brinze. Çifti organizoi edhe një ceremoni festive, ku morën pjesë emra të njohur të futbollit rumun, mes tyre futbollistë dhe ish-reprezentues.
Çfarë është Pentekostalizmi?
Pentekostalizmi është një lëvizje brenda krishterimit ungjillor që i kushton rëndësi të veçantë përvojave shpirtërore dhe veprimit të Frymës së Shenjtë. Besimtarët pentekostalë theksojnë besimin në mrekullitë e përshkruara në Dhiatën e Re dhe, në shumë komunitete, praktikojnë pagëzimin e personave që kanë arritur moshën për të shprehur vetë besimin e tyre.
Lëvizja pentekostale është përhapur gjerësisht në vende të ndryshme të botës dhe përfshin një numër të madh komunitetesh e besimtarësh.