Gjinekologu Shkëlqim Balili: Kujdes me produktet plastike dhe kozmetike që përdorim çdo ditë
Mjeku gjinekolog Shkëlqim Balili ka ngritur shqetësime për ndikimin e disa produkteve të përdorimit të përditshëm në shëndetin e grave, veçanërisht gjatë shtatzënisë.
Sipas tij, dy nga problemet që po marrin vëmendje sot janë ekspozimi ndaj mikroplastikave dhe substancave toksike që gjenden në produkte të ndryshme.
Balili tha se studime të ndryshme kanë evidentuar praninë e mikroplastikave në organizmin e njeriut, duke përmendur zbulime në placentë, gjakun e grave shtatzëna dhe zona të tjera të trupit.
Ai këshilloi që të tregohet kujdes me përdorimin e enëve plastike, sidomos kur ato nxehen apo përdoren për ruajtjen e ushqimeve. Sipas tij, plastika e ekspozuar ndaj nxehtësisë mund të jetë burim i çlirimit të substancave të padëshiruara.
Gjithashtu, gjinekologu u ndal edhe te produktet kozmetike, duke përmendur parfume, kremra, locione, sapunë dhe shampo, të cilat mund të përmbajnë përbërës kimikë që kërkojnë vëmendje në përdorim.
Ai bëri thirrje që gratë të informohen më shumë dhe të zgjedhin me kujdes produktet që përdorin në përditshmëri.
Be First to Comment