Artistja Mira Konçi ka folur në emisionin “E Diell”, në rubrikën “Galeri”, për jetën e saj private, përfshirë edhe dasmën me Shpëtim Saraçin.
Gjatë bashkëbisedimit me moderatorin Ed Manushi, ajo ka ndarë emocionet e asaj dite, duke e shoqëruar rrëfimin me një foto të rrallë krah motrës dhe vëllait.
“Gëzimi ishte i madh, megjithëse isha shumë e re. Gjithçka erdhi shumë natyrshëm. Ishte një periudhë shumë e bukur kur u njoha me Shpëtimin. Çdo gjë ndodhi natyrshëm. Edhe me tre fëmijët, është pak e çuditshme si na kanë ardhur gjërat. Kam dy fëmijë, Erën dhe Drinin. Era ka mbushur 30 vjeç pak javë më parë, ndërsa Drini 26,” u shpreh ajo.
https://youtu.be/6p-45tBfU7Q?si=1P105BjETfckfF0O