Një grua është ndaluar nga Policia e Kosovës në Aeroportin Ndërkombëtar të Prishtinës “Adem Jashari”, pasi gjatë kontrollit të bagazhit të saj u gjetën municion dhe pajisje që lidhen me armë gjahu.
Sipas raportit 24-orësh të Policisë së Kosovës, rasti ka ndodhur më 5 korrik 2026, rreth orës 09:30, gjatë kontrolleve rutinë të sigurisë në aeroport.
Gjatë kontrollit të valixhes, zyrtarët policorë kanë zbuluar dhe konfiskuar 13 fishekë gjuetie, 20 fishekë të zbrazët si dhe 245 saçme për fishekë gjahu.
Menjëherë pas gjetjes së materialeve, e dyshuara është shoqëruar nga policia për procedura të mëtejshme dhe është intervistuar lidhur me rastin.
Në njoftimin zyrtar të Policisë thuhet se pas intervistimit dhe me vendim të prokurorit të shtetit, e dyshuara është liruar në procedurë të rregullt, ndërsa rasti do të vazhdojë të hetohet.
Autoritetet nuk kanë bërë të ditur identitetin e saj apo destinacionin e udhëtimit, ndërsa hetimet po vazhdojnë për të sqaruar se si municioni ka përfunduar në bagazhin e saj.
Be First to Comment