Një zjarr i fuqishëm ka shpërthyer në zonën e Llamanit, në Himarë, duke përfshirë sipërfaqe me shkurre dhe bimësi të ulët.
Flakët janë përhapur me shpejtësi për shkak të temperaturave të larta dhe erës, duke vështirësuar punën e ekipeve të ndërhyrjes dhe duke rritur rrezikun e zgjerimit të vatrës së zjarrit.
Në terren janë angazhuar pesë mjete zjarrfikëse, ndërsa forcat e emergjencës po punojnë pa ndërprerje për të vënë situatën nën kontroll dhe për të izoluar flakët.
Deri më tani nuk raportohen persona të lënduar apo banesa të rrezikuara. Autoritetet vijojnë monitorimin e situatës, ndërsa operacioni për shuarjen e zjarrit dhe parandalimin e përhapjes së tij vazhdon.
Be First to Comment