Një automjet është përfshirë nga zjarri pasditen e kësaj të mërkure në autostradën “Ibrahim Rugova”, në aksin Suharekë–Duhël.
Menjëherë pas raportimit të rastit, në vendngjarje kanë dalë ekipet e zjarrfikësve nga Suhareka, të cilat kanë bërë të mundur vënien nën kontroll dhe shuarjen e flakëve.
Fatmirësisht, nuk raportohet për persona të lënduar. Ndërkohë, autoritetet po punojnë për të zbardhur rrethanat dhe shkaqet që shkaktuan zjarrin në automjet.