Moderatorja e njohur shqiptare, Bora Zemani, u është drejtuar ndjekësve të saj në rrjetet sociale me një apel për ndihmë për Sul Cakën, një djalë vetëm 10 vjeç, i cili po përballet me një problem të rëndë shëndetësor.
Përmes një postimi në Instastory, Bora ka shpërndarë historinë e vogëlushit, i cili, sipas apelit të publikuar, vuan nga një sëmundje e rëndë në zemër dhe ka nevojë urgjente për mbështetje.
Në mesazhin e shpërndarë nga moderatorja thuhet se gjendja e tij është shqetësuese dhe se ndihma e qytetarëve mund të jetë e rëndësishme për të përballuar këtë situatë të vështirë.
Krahas apelit, Bora ka publikuar edhe një fotografi të 10-vjeçarit në shtratin e spitalit, duke u bërë thirrje ndjekësve të kontribuojnë sipas mundësive të tyre.
“Çdo kontribut, sado i vogël, është një shpresë më shumë për Sulin!”, thuhet në mesazhin e publikuar.
Për të lehtësuar mbledhjen e ndihmave, moderatorja ka shpërndarë edhe lidhjen e një fushate të hapur në platformën GoFundMe, ku synohet sigurimi i fondeve për vogëlushin.
Përmes këtij apeli, Bora Zemani synon të rrisë ndërgjegjësimin për rastin dhe të nxisë solidaritetin e njerëzve për t’i ardhur në ndihmë 10-vjeçarit.
Apeli u drejtohet të gjithë atyre që kanë mundësi të kontribuojnë, me shpresën që mbështetja e përbashkët t’i japë Sulit më shumë mundësi për të marrë ndihmën e nevojshme.
