Kandidati i Aleancës për Ardhmërinë e Kosovës (AAK), Daut Haradinaj, ka bërë të ditur se nuk do ta ushtrojë mandatin e deputetit në legjislaturën e re të Kuvendit.
Përmes një njoftimi, Haradinaj tha se ka vendosur t’ua lërë vendin kandidatëve të tjerë nga lista e Aleancës, duke theksuar se po e mban premtimin e dhënë më herët.
Ai u shpreh se e konsideron obligim moral që angazhimin dhe betejën e tij politike në këto zgjedhje t’ia dedikojë kandidatit të AAK-së për kryeministër, Ardian Gjinit.