Pas suksesit të bashkëpunimit të fundit muzikor “Gasolina” me Dhurata Dorën, Gjesti ka zgjedhur të ndajë një mesazh falënderimi me ndjekësit e tij në rrjetet sociale.
Këngëtari publikoi në Instagram një përmbledhje me momente nga jeta e tij personale dhe profesionale, ku shfaqen pamje nga udhëtimet, kohët e kaluara me familjen dhe disa fragmente nga përditshmëria.
Krahas fotografive dhe videove, Gjesti shprehu mirënjohjen ndaj të gjithë atyre që e kanë mbështetur gjatë rrugëtimit të tij artistik.
Ai falënderoi fansat për dashurinë dhe përkrahjen që i kanë dhënë, duke theksuar se momentet e ndara në postim janë vetëm një pjesë e vogël e rrugëtimit të tij.
Megjithatë, ajo që tërhoqi më shumë vëmendjen ishte paralajmërimi i tij për diçka të re që po përgatit. Artisti la të kuptohet se një projekt i veçantë mund të vijë së shpejti, duke rritur kureshtjen e ndjekësve.
Pas këtij mesazhi, fansat kanë nisur të spekulojnë nëse Gjesti po përgatit një këngë të re, një bashkëpunim apo ndonjë surprizë tjetër për publikun.
Deri tani, këngëtari nuk ka zbuluar detaje konkrete, duke e lënë publikun në pritje të zbulimit të radhës.
Be First to Comment