Tragjedi në bregdet: Tre të rinj humbin jetën duke u mbytur në det

Tre të rinj humbin jetën në plazhin Arrabassada në Tarragona, Spanjë

Tre djem të rinj kanë humbur jetën sot pasi u futën për t’u larë në plazhin Arrabassada, në Tarragona të Spanjës. Autoritetet kanë shpallur ditë zie në nder të viktimave.

Ngjarja vjen në një kohë alarmante, pasi brenda vetëm 72 orëve në Spanjë janë regjistruar gjashtë raste mbytjesh të fëmijëve dhe të rinjve në zona të ndryshme të vendit.

Autoritetet dhe ekspertët e sigurisë në ujë kanë lëshuar një paralajmërim urgjent për prindërit dhe turistët, duke kërkuar mbikëqyrje të vazhdueshme të fëmijëve në plazhe dhe pishina.

Eksperti për parandalimin e mbytjeve, Sebastián Quintana, ka theksuar se mungesa e mbikëqyrjes është faktori kryesor në shumicën e këtyre tragjedive, duke shtuar se mbytja ndodh shpejt dhe në heshtje.

Sipas të dhënave të cituara prej tij, në shumicën e rasteve prindërit ose kujdestarët nuk ndodheshin pranë fëmijëve në momentin e ngjarjes.

Ndërkohë, mediat ndërkombëtare raportojnë edhe për vdekjen e një vajze 4-vjeçare britanike në një pishinë hoteli në Lanzarote, si dhe një tjetër rast të ngjashëm në Costa del Sol.

Autoritetet spanjolle u bëjnë thirrje qytetarëve dhe turistëve që të tregojnë kujdes maksimal gjatë sezonit veror, kur frekuentimi i plazheve dhe pishinave është shumë i lartë.